PRINCE MURO YAKIVAA KITUO CHA BRT

Proncess Muro ilifanya yake kwa kuingia kituo cha BRT. kwa vyovyote vile itakuwa ilikuwa inashuka na ile road ya kati ya brt sasa kafika down nahis akapitiliza mpk ndan ya kibanda.

Hakuna aliyekufa, huenda ndio majaribio ya mradi wa mabasi yaendayo kasi!! Tutakufa wengi.

VIDEO: HIVI NDIVYO MKUU MKOA ALIYETEMWA NA ALIVYO JIDHALILISHA

UNAJIDHALILISHA KISA UKUU WA MKOA.Unaweza kuwaMtu mzima, yaani si kijanaMsomi, yaani unadegree zakolakini ukafanya mambo ambayo hata mtoto akakushangaa, na yule wa darasa la saba kama mimi pia nikakushangaa!Hivi nini hasa cha mno hata mtu ujidhalilishe? Sasa huyu msomi hapa anaongea pumba tu kama vile cheo cha ukuu wa mkoa kina hati miliki.Full kujipendekeza, sijui ataka apewe shavu lingine, "ati anaomba radhi" pumbavu, kama angekuwa baba yangu nyumbani angekutana na makofi.

Posted by Kisima cha Jangwani on Friday, March 25, 2016

AJALI YAUA WAWILI KENYA

Watu wawili wamefariki na wengine 16 kujeruhiwa baada ya Matatu kugongana ana kwa ana na basi kwenye barabara ya Kakamega-Mumias nchini Kenya. 

Waliofariki ni pamoja na dereva wa matatu hiyo na abiria aliyekuwa amekaa kwenye kiti ya mbele.
Ajali hiyo imetokea karibu na mji wa Joyland kilomita 3 kutoka mji wa Kakamega.

KOREA YA KASKAZINI YATIA JAMBAJAMBA BLUE HOUSE.

KOREA YA KASKAZINI YATIA JAMBAJAMBA BLUE HOUSE.

Korea Kaskazini imesema kuwa imetekeleza mazoezi ya kuyashambulia makaazi ya rais wa Korea Kusini.
Zoezi hilo lilisimamiwa na rais wa taifa hilo Kim Jong-un,kulingana na chombo cha habari cha KCNA ambaye alilitaka jeshi kujiandaaa kuivamia na kuiharibu serikali ya kusini.
Ni hatua ya hivi karibuni ya ishara za hasira za Pyongyang.
Rais wa Korea Kusini Park Geun-Hye ameliagiza jeshi lake kuwa katika hali ya tahadhari.
Lakini alisema siku ya Alhamisi kwamba uchochezi utasababisha maafa makubwa kwa serikali na uongozi wa Korea Kaskazini.

Rais wa Korea Kaskazini Kim Jong-un
Korea Kaskazini imekuwa ikijibu hatua ya Umoja wa Mataifa ya kuiwekea vikwazo kufuatia majaribio ya makombora yake ya masafa marefu ya kinyuklia.
Pyongyang vile vile imekasirishwa na mazoezi ya pamoja kati ya serikali ya Korea Kusini na Marekani, kusini mwa mpaka wake.

Kama inavyojulikana kwa vitisho vyake ,ripoti hiyo iliotolewa na KCNA ilitishia kuilipua nyumba hiyo ya rais wa Korea Kusini inayojuliakana kama Blue House hadi kuwa jivu.
Makombora yalirushwa kama umeme na kuanguka katika maeneo yanayolengwa ikiwemo nyumba hiyo ya rais wa Korea Kusini.

Haijulikani ni lini zoezi hilo lilifanywa,lakini ripoti hiyo ilionya mwisho mbaya wa rais Park.
Makaazi hayo ya Blue House yalishambuliwa na makomando wa Korea Kaskazini mwaka 1968.
Hatahivyo jaribio la kutaka kumuua aliyekuwa rais Park Chung-hee halikufanikiwa,raia saba wa Korea Kusini pamoja na makomando hao 31 kutoka Korea Kaskazini waliuawa.

MBINGU, ANGA, JUA, NA UUMBAJI.

MBINGU, ANGA, JUA, NA UUMBAJI.
Rejea mada yangu juu ya vitu sita ambavyo havikuumbwa na MUNGU.
Wakati wakichangia mada yangu juu vitu sita ambavyo Mungu hakuviumba, watu kadha wa kadha Jamii Forum, whatsapp na facebook walisema kuwa hoja zangu zilijielekeza kama vile kabla ya Mungu kuumba Dunia hakuumba vitu vingine.

Wamejenga hoja kwa kusema kuwa mwanzo sura ya kwanza yote ilikuwa makhususi kwaajili ya kuelezea jinsi Dunia ilivyo umbwa na si ulimwengu. Kabla ya kuumbwa Dunia, tayari ulimwengu ulikuwa ushaaumbwa, na kwasababu hiyo wanahitimisha kwa kusema KIZA ni sehemu ya ulimwengu na kiliumbwa kabla ya Dunia, na Kabla ya Nuru.
Awali ya yote, naelewa kuna galaxy zisizo pungua bilion 100, na kuna matirioni ya nyota. Najua fikra zao kuwa Mwanzo Sura ya kwanza inazungumzia uumbaji wa dunia na si uumbaji wa ulimwengu, kwa hivyo wanasema Kiza kiliumbwa siku nyingi kabla ya matukio yalihotajwa na mwanzo sura ya kwanza.

Kabla sijawajibu hoja zao, naomba tujiulize, kwa mujibu wa mwanzo 1:1 na kwa kuzingatia maandiko mengine ya biblia, Mbingu ni nini? na mbinguni wapi? Kisha tujiulize nch ni nini?
Mbingu ni neno la kiroho zaidi lenye maana ya anga.(space). Wana sayansi wanatumia neno "anga" wakati Mungu anatumia neno "mbingu". Kwa hivyo tukijua maana ya anga kwa vyovyote vile pia tutajua maana ya mbingu.

Anga ni eneo kubwa sana(three dimensional region) ambalo huanzia pale atmosphere inapoishia. Naomba mfahamu kuwa atmosphere ni moja kati ya matabaka ya dunia. Hii ina maanisha pale dunia inapoishia ndipo anga huanza. Kwasababu hiyo, ndio maana wanasayansi wanasema Dunia iko angani.

Anga ndio ulimwengu wenyewe, sababu vitu ambavyo vipo angani galaxy, nyota, sayari, vimondo, setelaiti, na nk ndio hufanya ulimwengu. Anga, ambayo kimsingi ndio ulimwengu umeundwa na vitu vifuatavyo.
1. Normal Matter
Ambayo ni asilimia tano ya ulimwengu wote. Galaxy, nyota, sayari, vimondo, na hata viumbe hai vimetokana na NORMAL MATTER.
2. Dark Energy
Ambayo yenyewe ni asilimia 25
3 Dark Matter
Ambayo yenyewe ni asilimia 70 ya ulimwengu wote.
Kwa hivyo nyota zote ziko angani, na nimesema hapo juu kuwa anga ndio mbingu. Kama wanasayansi wanasema nyota ziko angani, tujiulize Mungu anasema nyota ziko wapi?
"Maana nyota za mbinguni na matangamano havitatoa nuru yake; jua litatiwa giza wakati wa kucha kwake, na mwezi utaacha nuru yake isiangaze"
Isaya 13:10
"Umeongeza wafanya biashara wako kuwa wengi kuliko nyota za mbinguni;...."
Nahumu 3:16
"katika kubariki nitakubariki, na katika kuzidisha nitauzidisha uzao wako kama nyota za mbinguni,..."
Mwanzo 22:17
"Ametukuka aliye zijaalia nyota mbinguni, na akajaalia humo taa na mwezi unao ng'ara."
Quran 25:61
"Hakika Sisi tumeipamba mbingu ya karibu kwa pambo la nyota."
Quran 37:6

Quran na biblia zote zinasema nyota ziko mbinguni, kama nyota ziko mbinguni kwa mujibu wa Mungu, na kama nyota pia ziko angani kwa mujibu wa sayansi, je nikisema kuwa MBINGU na ANGA ni kitu kimoja nitakosea? Kwa vyovyote vile sitakosea.
Kwahivyo naomba muelewe, mwanzo 1:1 iliposema Mungu aliziumba mbingu ilimaanisha Mungu aliuumba ULIMWENGU. Sababu tumeona mbingu ni mkusanyiko wa matirioni ya nyota na mifumo yake ambayo kwa pamoja hufanya ulimwengu.

Ukisoma astronomy jinsi inavyo zielezea nyota, hasa vile zilivyo undwa, utagundua hazikuanza tu kuwa na Nuru(Mwanga) na Joto kali, bali kuna mambo na michakato ilikuwa inafanyika, na matokeo ya mambo hayo ndio yakapelekea nyota kuwa na mwanga. Kwa hivyo Mungu aliposema iwe Nuru ndio aliruhusu michakato hiyo kuanza kufanya kazi na hatimaye tukapata jua. Lakini kabla ya NURU kuja kulikuwa na nini? jibu KIZA.

"Nchi" maana yake Dunia, lakini lazima tujue na kukubali kuwa kila nyota ina mfumo wake, na katika kila mfumo wa nyota una sayari zake, na kila sayari ina usiku na machana. Kwa hivyo Mungu aliposema iwe NURU, basi hapo hapo nyota zote ulimwenguni zikatoa Nuru au zikawa na uwezo wa kuwa na mwanga.
Kuna baadhi ya mambo yalifanyika maalum kwaajili ya sayari moja moja, lakini kuna baadhi ya mambo yalifanyika kwa sayari zote kwa ujumla. Kwa hivyo siku iliyoumbwa "mchana" katika sayari ya dunia, ndio siku iliyo umbwa mchana katika sayari zote za ulimwengu. Ninasema hili kutokana na sababu kubwa ifuatayo.

Mfumo wa Nyota Jua una jumla ya sayari nane, na dunia ni moja katia ya sayari hizo nane. Kwa hivyo kipindi Jua lilipopewa NURU, ile Nuru yake ilifika katika sayari zote nane. Pale Mungu aliposema Nuru ijitenge na giza, na giza liwe usiku na Nuru iwe mchana, tukio hilo lilitokea kwa Sayari zote. Kwasababu hiyo si kweli hata kidogo kuwa NURU na MCHANA uliotajwa katika mwanzo 1:3-5 ulikuwa makhususi kwaajili ya Sayari Dunia pekee.

Ili useme ile NURU ni makhususi kwaajili ya dunia tu, ni lazima utuambie Nuru hiyo imetoka katika Nyota gani tafauti na nyota jua. Sababu Nyota Jua ndio huangazia sayari zote katika mfumo wa Jua. Hivyo ni dhahiri kuwa wakati Jua lilipoanza kuangazia dunia ndio wakati huohuo lilipoangazia sayari zingine pia.

Mambo mkhususi ya Dunia katika mwanzo sura ya kwanza ni uumbaji wa mito, bahari, miti, wanyama, nk. Haya ndio yalikuwa makhususi kwaajili ya Dunia, na kila sayari ilikuwa na mambo yake makhususi kadiri ya Mungu mwenyewe alivyoona vema, ndio maana tabia na sifa za dunia ziko tafauti na sayari Zuhura, lakini zote zinategemea NURU ya Jua na zote zina usiku na mchana.
Kwa hivyo bado niko katika hoja yangu, kuwa Mungu aliposema kaumba mbingu alimaanisha kaumba ulimwengu. Akaumba Nuru kwa kulifanya jua litoe mwanga, lakini Mungu hakuumba Kiza, bali aliumba Nuru ili kukipiga KIZA, na kwasababu hiyo hakuna ushahidi Mungu akisema ameumba Kiza, hivyo basi KIZA KILIZUKA siku nyingi sana kabla ya kuumbwa kwa ilimwengu.
Njano5
0622845394

KIZA, MUNGU, KIFO, VITA, NJAA NA MARADHI.

KIZA, MUNGU, KIFO, VITA, NJAA NA MARADHI.
Mungu(light) na Kiza(Darkness) ni ndugu. Hakuna aliyeumba, wametokea tu, lakini wa kwanza kutokea KIZA kisha akafuatia NURU (Mungu).

Kiza ni mwanamke, Mungu ni mwanaume, wakati Kiza ni mkubwa kwa umri na hata nguvu kumzidi Mungu, Mungu yeye ni mwingi wa hila na ujanja, kwa hivyo ni mwerevu kumzidi KIZA.
Mungu alifanya hila, na kwa hila yake hiyo akaweza kuumba ulimwengu na malaika wakubwa wanne, ambao ni Mikaeli, Lusifa, Rafaeli na Gabrieli.
KIZA akachukia na kwahivyo pakazuka mapigano kati ya KIZA na Mungu. KIZA anaamini kuwa ulimwengu ambao angeumba yeye ungekuwa bora kuliko huu alio uumba Mungu, na ya kwamba Mungu alijua hilo na alimuonea wivu KIZA.

Inasemekana KIFO(Death) kilizuka pamoja na MUNGU, au kilianza kabla ya Mungu, au kilizuka muda mfupi sana baada ya kuumbwa malaika wanne. Ila mjue KIFO ni moja kitu kikongwe kuwapo, na haijulikani kati ya KIFO na Mungu nani mkubwa, wanaweza kuwa sawa kwa umri au KIFO akawa mkubwa au Mungu akawa mkubwa. Yote ya yote, wakongwe wa wakongwe kabla hata ya ulimwengu haujaumbwa ni KIZA, MUNGU na KIFO.

Kwakuwa Kiza kina nguvu kuliko Mungu, ili mlazimu Mungu kusaidiana na malaika wakubwa kupambana na Kiza, katika mapambano hayo Mungu na malaika wake hawakufanikiwa kumuua Kiza, walichoweza kumfunga Kiza kwa kutumia chapa(mark) ambayo baadae ilijulikana kama chapa ya Kaini(Mark of Cain)

Kitendo cha mapigano hayo kati ya MUNGU na KIZA, kina maanisha kuwa "VITA" ni kitu cha nne kikongwe kikiwa nyuma ya KIFO, MUNGU na KIZA.
Baada Mungu kufanikiwa, KIZA chini ya kifungo chake akawa juu vilindi vya maji, Mungu akaketi juu ya uso wa maji, na wakati huo asilimia kubwa ya ulimwengu ulikuwa ushafanyika kasoro sayari dunia ilikuwa bado haijakamilika. Hata hivyo, kimsingi hata sasa ulimwengu unaendelea kutanuka na kukua na kila siku nyota zinapasuka na kila siku mifumo ya nyota inazaliwa, yote yanafanyika chini ya pumzi ya Mungu(physical laws)

Chapa ikawa ndio kifungo na funguo kwa GEREZA alilofungiwa DARKNESS, na funguo ambazo alikabidhiwa mtoto mpendwa, mtiifu na mnyenyekevu wa Mungu, mtoto huyo ni Lucifer.
Chapa(funguo) ikageuka laana, hajulikani kwanini iligeuka laana, ila inasemekana MFUNGWA(KIZA) alifanya funguo kuwa LAANA kama mbinu ya kutoka kifungoni. LAANA ikamfanya Lucifer kuwa na kibli, na kibli kilionekana pale Mungu alipomuumba mwanadamu, Lucifer alichukia na alikataa kumsujudia Adamu. Naam LAANA IKAWA UASI, na baadaye Lucifer akatimuliwa mbinguni na jeshi la Mikaeli(Michael)

Wanyama wa kwanza kuumbwa walikuwa wanaitwa leviathians, hawa wanyama walikuwa na njaa sana kiasi walane wenyewe kwa wenyewe, na kwasababu hiyo basi tunagundua kuwa "NJAA" ni kitu cha tano kikongwe nyuma ya VITA, ingawa kiumri Levithians alianza kisha ndio akafuatia "NJAA"
Baada ya hapo Mungu akamilisha sayari dunia kwa kumuumba mwanadamu, mwanadamu ambaye tuliona Lucifa aligoma kumsujudia. Binadamu anashikwa na maradhi na udhohofika kwa kuugua. Kwasababu hii basi tunagundua "MARADHI" ni kitu cha sita nyuma ya "NJAA"

KIZA, MUNGU, KIFO, VITA, NJAA na MARADHI hivi vyote viko na vilizuka tu na hakuna aliyeviumba. Viumbe wa kwanza kuumbwa na mungu ni malaika, na wanyama wa kwanza kuumbwa na mungu Levithans ambao pia wanatajwa katika Isaya 27:1

Kwakuwa Mungu aliumba binadamu, na kwakuwa Levithans walikuwa ni wanyama hatari sana kwa uhai wa binadamu hasa hasa kutokana na kuathiriwa zaidi na njaa, Mungu akaumba Purgatory kisha akamuagiza Malaika Mikaeli awafukuze levithians duniani na kuwafungia Purgatory. Katika Purgatory Levithians wanaendelea kuishi huku wakiendelea kulana wenyewe kwa wenyewe na huku wakizaana.

Unafikiri ile mijusi mikubwa unayo iona katika filamu imepotea tu? Akina GodZilla wajua wameenda wapi? Elewa hawakupotea bali wamefungiwa katika Purgatory! Ndio Levithians wenyewe hao, na ili waweze kufungiwa "VITA" ilitamalaki na Mikaeli akafanikiwa kuwafungia, waliokufa ndio mnaona masalia yao ya mifupa katika majumba ya makumbusho.
Baadae dunia itaenda mwisho, nakumbuka nilishawahi kuwaandikia juu ya mwisho wa dunia, kitakacho fanya dunia iishe ni kuripuka kwa nyota jua, likitokea hilo uhai katika dunia utatoweka kabisa, lakini huo sio mwisho wa ulimwengu.

Ulimwengu nao utaisha ama utafikia mwisho. Mkumbuke kuwa ulimwengu unaendelea kutanuka na sababu ya kutanuka ni kuendelea kushikilia misingi ya mlango uliotumika kumfungia KIZA. Hata hivyo, kutanuka huku kutapelekea ulimwengu kupasuka na kusambaratika, hapa wana sayansi wanasema kuwa ule mchakato wa BING BANG unaanza tena na kwa hivyo ulimwengu na galaxy zake kuumbika tena.

Kwa upande wa wanasayansi Bing Bang kutokea tena ni mchakato wa matirioni ya miaka, na mchakato huo unahusisha physical law, matters, dark matters, energy, na dark energy. Tukija upande wa kiroho huu ndio wakati ambapo "KIZA" kimetoka kifungoni na kiko vitani na MUNGU.
Kama Mungu akishinda ulimwengu utarudi tena na dunia kuwa Paradiso, na kama KIZA akishinda basi ataumba ulimwengu wake na kwa vyovyote vile wakati huo MUNGU atakuwa amefungwa au ameuliwa.

Mwisho wa dunia utakuwa na dalili nyingi lakini dalili kuu nne ni hizi zufuatazo.

1. NJAA atapata nguvu sana, na chakula kitakuwa hakitoshi ulimwenguni. Hakitoshi haimaanishi chakula cha kutosha hakuna, hapana, bali watu na wanyama watakula lakini hawatashiba.
2. MARADHI naye atapata nguvu sana, si kwamba magonjwa yatakuwa mengi, bali magonjwa yaliyo kuwa yanatibika yataanza kuwa sugu na kukataa dawa, lakini pia yatazuka magonjwa mapya yaso na dawa wala chanjo.
3. VITA naye atapata nguvu, itakuwa ni vita kati usasa na uzamani, ukristo na uislamu, weusi na weupe, magharibi na mashariki, shia na suni, katoliki nautherani, taifa na taifa, kabila kabila.
4. KIFO naye atapata nguvu, na vitu hivyo vitatu vya juu vinaonesha uwepo wa KIFO, na uwepo wake utadhihirishwa na mauji ya halaiki yatakayo sababishwa na NJAA, MARADHI na VITA.
Hata hivyo na hasa kwa mujibu wa biblia kuwa "KIFO" atauliwa na MUNGU, na hili linathibitishwa na nadharia ya biblia kuwa YESU ameshinda MAUTI na ya kwamba atakayemuamini YESU na BABA aliyemtuma HATAKUFA bali ataishi milele. Sasa ili kuwe na maisha ya milele ni lazima "KIFO" afe, yaani asiwepo!
Yohana 5:24

Je Mungu ataweza kumuua "KIFO"?? je kama Mungu anampango wa kumuua "KIFO" je "KIFO" hatofanya hila kwa kumfungulia "KIZA" toka gerezani? Kwa maana hakuna kitu ambacho Mungu anakihofia kama "KIZA" Je katika haya yote, mitume na manabii wana nafasi gani? Je vitabu kama Quran na Biblia pia vina nafasi gani? Kuna tafauti gani kati ya Hell na Purgatory?

Itaendelea
Njano5
0622845394

CHAI YA KIJANI HUPUNGUZA HATARI YA KIFO

Utafiti uliofanyika Japani wathibitisha kuwa kunywa chai ya kijani kunaweza kupunguza hatari ya kifo

Kituo cha taifa cha utafiti wa saratani cha Japani kimesema, watafiti wa kituo hicho wamethibitisha kuwa kunywa chai ya kijani sio tu kunaweza kupunguza hatari ya kifo, bali pia kunatoa mchango wa kidhahiri katika kupunguza hatari ya magonjwa ya mishipa ya damu ya moyo na ubongo.

Ili kutambua uhusiano kati ya unywaji wa chai ya kijani na kifo, watafiti walifanya utaifiti wa miaka 19 uliowashirikisha watu elfu 90 wenye umri wa miaka 40 hadi 69.
Katika miaka 19 iliyopita, watu 12,874 walioshiriki kwenye utafiti huo walifariki.

Watafiti waligundua kuwa, kwa watu wanaokunywa vikombe zaidi ya vitano vya chai ya kijani kwa siku kwa wanaume, hatari ya kifo ilipungua kwa asilimia 13 na kwa wanawake kwa asilimia 17.

Ingawa unywaji wa chai ya kijani hauna uhusiano na vifo vilivyosababishwa na saratani, lakini hatari ya ugonjwa wa moyo ilipungua.

Kwa nini unywaji wa chai ya kijani unaweza kupunguza hatari hiyo? Watafiti wamesema, catechin iliyoko ndani ya chai ya kijani inaweza kurekebisha shinikizo la damu na mafuta mwilini.

Haya ndugu zangu wanyalu na wabena Lusitu, Luponde, na kwengineko, chai ya kijani ipo huko, kunyweni kwa wingi kama mnataka kukihadaa kifo.

KIZA, MUNGU, KIFO, VITA, NJAA NA MARADHI.

 

 

 

 

 

 

 

 

 

 

 

 

VITU SITA AMBAVYO SI VIUMBE VYA MUNGU.

Tarehe Mar 2016 niliandika makala juu mahusiano kati Kiza, Mungu, Kifo, Vita, Njaa, na Maradhi. Makala ile ilizua mjadala mkubwa facebook na whatsapp nilipoiweka, na moja jambo kubwa lilotuvuruga ni uwezo na mamlaka ya Mungu katika uumbaji, na hasahasa ile nadharia ya kuwa MUNGU ni muumbaji wa viumbe vyote ilitumiwa sana watu katika kuikosoa makala yangu.

Awali ya yote nakubali bila kigegezi chochote kuwa Mungu ni muumbaji wa viumbe vyote na ya kwamba ni Mola wa viumbe hivyo. Nakubali kuwa ulimwengu haukuzuka tu wenyewe katika tukio la lisilo ratibiwa. Bali yupo injinia wa Ulimwengu huu ambaye si mwingine bali ni MUNGU.

Misaahafu ya dini za Ibrahim, yaan uislamu, uyaudi na ukristo yote kwa pamoja bila kukhitililafiana inasema ulimwengu na vilivyomo ndani yake havikuzuka kwa bahati mbaya bali vimeumbwa na Mungu.

Kuna viumbe hai kama wanyama na mimea, lakini pia kuna viumbe ambavyo havina uhai kama mawe na mchanga. Vyote hivi Muumbaji wake ni Mungu.

"Mwenyezi Mungu ameumba mbingu na ardhi kwa Haki. Kwa hakika katika hayo ipo Ishara kwa Waumini. " Quran 29:44

"...Sema: Mwenyezi Mungu ndiye Muumba wa kila kitu. Na Yeye ni Mmoja Mwenye kushinda!..." Quran 13:16

"Mbingu ni mali yako, nchi nayo ni mali yako, Ulimwengu na vyote viujazavyo Ndiwe uliyeupiga msingi wake. Kaskazini na kusini ndiwe uliyeziumba....." Zaburi 89:11-12

Hiyo quran 13:16 inatutanabaisha kuwa Mungu ameumba kila kitu, lakini tujiulize, kitu kilichoumbwa na Mungu kinaitwaje? Kwa vyovyote vile kinaitwa kiumbe. Kama ndivyo tunaweza kuwa sahihi zaidi kama tukisema kuwa Mungu ameumba viumbe vyote badala ya kusema kuwa Mungu ameumba kila kitu.

Twasema kuwa viumbe vyote vimeumbwa na Mungu, je vile ambavyo si viumbe tuna vizungumziaje? Naomba mjue Mungu ameumba viumbe vyote, lakini haimaanishi kuwa ameumba kila kitu. Kuna baadhi ya vitu ambavyo Mungu hakuviumba aidha hakutaka kuviumba au ameshindwa kuviumba.

VITU VIKUU SITA AMBAVYO MUNGU HAKUVIUMBA.

1. MUNGU
Ukisoma misahafu yote mikuu miwili quran na biblia hakuna ushahidi hata mmoja unaonesha kuwa Mungu kaumba Mungu(namaanisha Mungu kujiumba).

Kubwa zaidi katika misahafu hiyo ambayo imeandikwa kwa matakwa yake MUNGU, inaonesha ukuu Mungu, uwezo wake, mamlaka yake, utukufu wake, usafi wake na kila aina ya sifa nzuri na tukufu, lakini hatuoni chanzo chake kikiandikwa humo na hatuoni mwisho wake ukiandikwa humo, zaidi ya vitabu hivyo kusema ufalme wa MUNGU na Nguvu zake hazina mwanzo wala mwisho.

"Mimi ni Alfa na Omega, mwanzo na mwisho, asema Bwana Mungu, aliyeko na aliyekuwako na atakayekuja, Mwenyezi" Ufunuo 1:8

"Na Mola wako Mlezi anayajua yaliyo ficha vifua vyao, na wanayo yatangaza. Naye ni Mwenyezi Mungu ambaye hapana mungu isipo kuwa Yeye. Sifa zote njema ni zake Yeye, mwanzo na mwisho...." Quran 28:69-70

Kwa aya hizi, na mafundisho mengine ya kinabii kama haya, yanathibitisha bila shaka kuwa ni kweli kuna mambo au vitu ambavyo Mungu hakuviumba na kwasababu hiyo vitu hivyo haviwezi kuitwa viumbe na ingawa viko. Kitu cha kwanza MUNGU, kipo na hakija umbwa.

Wanaosema kuwa MUNGU ameumba kila kitu waje hapa watuambie "MUNGU" kaumbwa na nani? Wakishindwa kututajia basi waishie kusema Mungu kaumba viumbe vyote lakini si vitu vyote.

2. KIZA
Ukisoma hiyo quran 28:69-70 na ukisoma vizuri ufunuo 1:8 utagundua mambo yote na habari zote kabla ya uwepo wa MUNGU hayajulikani na huenda anayajua Mungu mwenyewe, lakini kwetu sisi tunaona mambo hayo kwetu ni KIZA.

Kwa hivyo tunaweza kusema kabla ya Mungu hajaumba chochote alikuwako yeye na Kiza, Kiza ni mwanamke na Mungu ni mwanaume. Kwakuwa kwa kipindi hicho walikuwa wenyewe, na wanajuana wenyewe, jambo jepesi twaweza kusema hivi vitu ni ndugu. Ipo siku inshallah nitakuja kufafanua kwanini nasema Kiza mwanamke na Mungu mwanaume.

"Hapo mwanzo Mungu aliziumba mbingu na nchi. 2 Nayo nchi ilikuwa ukiwa, tena utupu, na giza lilikuwa juu ya uso wa vilindi vya maji; Roho ya Mungu ikatulia juu ya uso wa maji. 3 Mungu akasema, Iwe nuru; ikawa nuru. 4 Mungu akaiona nuru, ya kuwa ni njema; Mungu akatenga nuru na giza."
Mwanzo 1:1-4

Katika andika hilo la juu tunajifunza yafuatayo.

A. Mbingu na nchi zimeumbwa na Mungu. Maji, ardhi na vitu vya kufananayo ni sehemu ya mbingu ya nchi.

B. Mungu aliumba NURU lakini hakuumba KIZA, tunaambiwa tu Kiza kilikuwa juu ya uso wa vilindi vya maji lakini hatuambiwi Mungu aliumba Kiza.
Hiyo mwanzo 1:3 "Mungu akasema, iwe Nuru; ikawa Nuru"

Alijuaje kuwa Nuru imekuwa kama kabla ya Nuru hiyo kulikuwa hakuna Kiza? Je, mbona hatuoni maandiko yakionesha Mungu akisema iwe Kiza kisha kikawa Kiza?

C. Ukisoma mwanzo 1:2 tunaona Mungu akiumba mbingu na nchi kisha Kiza alikaa juu ya uso wa vilindi vya maji, kwasababu hiyo, nikisema kuwa Kiza alikuwako kabla ya mbingu na nchi nitakosea? Kama alikuwako kabla ya mbigu na nchi, ama kabla ya ulimwengu, nikisema kuwa Kiza na Mungu waliishi wenyewe kabla ya ulimwengu pia nitakosea?

D. Baada ya Mungu kuumba Nuru, hapo ndipo alipofanikiwa, kumfungia KIZA, na athari za Kiza akaziita USIKU na athari za NURU akaziita MCHANA. Kwahivyo Mungu hakumuumba KIZA, ila Mungu kaumba Nuru, Mchana, na Usiku.

Kwahivyo kama tuko pamoja, utakubaliana na mimi kuwa KIZA ni moja ya kitu ambacho Mungu hakukiumba. KIZA si kiumbe, KIZA kimezuka tu kama alivyozuka Mungu mwenyewe. Tafauti kubwa kati ya MUNGU na KIZA ni kuwa Mungu kaumba na ni Mola wa viumbe vyote, lakini Kiza hakuumba kitu chochote kwa hivyo si MUUMBAJI.

Astronomy inatuambia kuwa ulimwemgu umeundwa na vitu vikuu vitatu, normal matter, dark matter na dark energy. Normal matter ndio hujumuisha zile atoms zilizo tumika kuumba Nyota,sayari, na vitu vingine.

Normal matter ni asilimia 5 tu ya ulimwengu wote, 25% ni dark energy na 70% dark matter. Hiyo dark energy na dark matter athari zake zinaonekana katika zenyewe hazionekane. Hii huenda ndio KIZA ambacho kimetajwa katika mwanzo 1:1

Astronomy pia yatuambia ulimwengu unatanuka kwa kasi, na ya kwamba unazidi kuongezeka kutokana ile motion iliyosababishwa na BING BANG, kutanuka kwake ina maanisha unazidi kumeza au ama kuingia katika sehemu mbele zaidi kutokea kule ulipo anzia(kipind cha dark age) Swali kule unapoelekea kuna nini kama si Kiza??

Astronomy pia yatuambia hakuna empty space, kama inavyo onekana, katika space waweza kuona ama kudhani hakuna maada yoyote, lakini kimsingi asilimia kubwa ya space ina dark energy na dark matter. Vitu hivi vinaashiria uwepo KIZA mbali na ulimwengu tunao ujua.

3. KIFO
Kwanza naomba tukumbuke wakati Mungu anafikiria kuumba ulimwengu tayari kulikuwako na KIZA. Ili Mungu awe kuumba ulimwengu ilikuwa lazima kwanza amuondoshe au amuue KIZA. Ili Kiza kiweze kufa shuruti pawe na "KIFO" Hata hivyo, kutokana na nguvu za Kiza, basi kikawa hakijakufa bali kilifungiwa.(Rejea mwanzo 1:3 Mungu akatenga giza na nuru)

Pili naomba mjue kuwa kiumbe hai cha kwanza kuumbwa na Mungu ni "NENO" kisha wakafuatia malaika wakubwa wanne(four Arc Angels) ambao ni Mikaeli, Raphaeli, Rucifer na Gabrieli. Hoja inakuja, Mungu alitumia kipimo gani kujua kwamba amefanikiwa kuumba kiumbe hai? Kwa vyovyote vile ili ajue kuwa amefanikiwa kuumba kiumbe hai ni lazima alinganishe uhai uliopo ndani ya kiumbe hai na mauti(KIFO). Kwa hivyo kilianza KIFO kabla ya UHAI, na bahati nzuri maandiko yanakubali kuwa Mungu kaumba uhai, lakini hayaoneshi kuwa Mungu kaumba KIFO.

Wachungaji wetu katika makanisa wanakataa katakata kuwa Mungu kaumba KIFO, wao wanasema KIFO kilisababishwa na shetani, bi maana shetani ndio kaumba KIFO. Huku ni kutokujua, lakini hakuna aliyeumba KIFO, KIFO sio kiumbe na alizuka tu kama alivyo zuka Mungu.

Kama nilivyosema ule muda Mungu anafikiria kuumba uhai, tayari kifo kilikuwako, na kwasababu hiyo, pia haijulikani kati ya Mungu na Kifo na mkubwa(kiumri).

Mungu aliumba uhai, na kwa kupitia huo uhai akaumba mwanadamu, lengo lake lilikuwa mwanadamu aishi milele, lakini kifo kikawa kikwazo katika lengo hili.

Sivyo tu, kwakuwa siku zote KIZA anataka atoke kifungoni, hivyo kila siku anapambana na Mungu kwa lengo la kutaka kumuua, na wakati huohuo Mungu naye anataka kumuua KIZA, mshindi wa pambano hili lazima amtumie "KIFO" na hapa ndipo tunapoona nafasi ya KIFO katika mahusiano ya NURU na KIZA.

Lakini Mungu anasema atakuja kumshinda KIZA na KIFO, na pindi atakapo shinda hakuna roho au mwili utakao kufa.

"na aliye hai; nami nalikuwa nimekufa, na tazama, ni hai hata milele na milele. Nami ninazo funguo za mauti, na za kuzimu. " Ufunuo 1:18

4. VITA na NJAA
KIZA baada ya kugundua Mungu ameumba malaika wakubwa wanne, KIZA alichukia na hapo yakazuka mapambano kati ya MUNGU na KIZA. Kwa mapambano hayo ndipo ilipozuka "VITA" mungu alichofanikiwa ni kumfungia KIZA, na funguo zake akakabidhiwa Rucifer. Mark of Darkness ndio Funguo na sehemu alofungiwa KIZA, chapa hii baadae iliitwa mark of cain.

Mnyama wa kwanza kuumbwa na Mungu kabla hata ya wanadamu ni Levithans, hawa ndio ile mijusi mikubwa na Magodizilla. hawa walikuwa na "NJAA" sana kiasi walane wenyewe kwa wenyewe, Hapa Mungu kwa kutumia jeshi lake la malaika waliwaondoa dunia na kuwafungua Purgatory. Hapa pia VITA alihitajika kufanikisha hili.

Tembo na vufaru wanapungua kwa kuuliwa na binadamu, hivi Magodizilla na Levithans waliuliwa na nani? Ikiwa wao walikuwako miaka mingi kabla ya wanadamu? Jibu jepesi ni upanga wa Malaika Mikael na jeshi lakd.

Wakati hayo yakitokea, Darkness akaigeuza ile mark kuwa laana, na laana ile ikasababisha hali ya uasi kwa mtunza funguo. Wakati Mungu anamuumba mwanadamu, na malaika kuambiwa wamsujudie, Rucifer akiwa kesha athiriwa na laana ya funguo akagoma kumsujidia adamu.

Kwa mara nyingine "VITA" ilihitajika katika kumdhibiti Rucifer na kundi lake.

6 MARADHI
mungu hakuumba maradhi, na wala si lengo mungu mwanadamu aumwe na kuteseka kwa maradhi. Ila pale mwanadamu alipoumbwa na afya bora kabisa, na maradhi yakazuka hapo hapo. Baada ya Mungu kuja kumshinda KIFO, pia atakuja kuyashinda MARADHI, na hayo yakitokea katika maisha Paradiso hakutakuwa na KIFO wala MARADHI.

MWISHO.
makala hii haina tafauti na ya juzi, ila leo baadhi ya nukta nimemua kuziongelea kwa undani zaidi ili iweze kujibu maswali na hoja zilizo jitokeza katika makala ya msingi.

Njano5
0622845394

MWANANGU SEMA AMINI.

MWANANGU SEMA AMINI.
1
Mwana ninaye kupenda, naomba sema amini,
Mungu anaye tulinda, akukinge na majini,
Wale wanao kuwinda, Rabi awabwage chini.
Namuomba Rahmani, akupe walau shinda.
2
Uvune ulichopanda, shuke moja themanini,
Kama ni nyavu watanda, uwe kingi baharini,
Iwe unafuga kunda, watotoe ishirini,
Namuomba Rahmani, akupe walau shinda.
3
Wanotaka kukuponda, wasiweze abadani,
Viumbe wafanya inda, hasa wale mafatani,
Mwanangu utawashinda, kwa uwezo wa Manani,
Namuomba Rahmani, akupe walau shinda.
4
Tazama unavyoenda, sema na wayo njiani,
Njia ni sawa kupinda, isikutoe imani,
Allah atakulinda, uishinde mitihani,
Namuomba Rahmani, akupe walau shinda.
5
Kiti usije kukonda, kwa kudekeza lohani
Yote unayoyatenda, yakufae maishani,
Usije ukawa punda, faida ya Baniani,
Namuomba Rahmani, akupe walau shinda.

Dotto Chamchua Rangimoto(Njano5)
0622845394/0784845394 Morogoro

MWANANGU SEMA AMINI